Google ADS

Durmisi lë Betisin për Lazion

09:10 | 19 Qershor 2018
Arbresh Info

Gjiganti italian, Lazio ka arritur një marrëveshje 7 milionëshe me mbrojtësin e Real Betisit, Riza Durmisin.

Siç raporton ‘Marca’, një marrëveshje mes dy klubeve është arritur për mbrojtësin me prejardhje shqiptare që pritet t’i nënshtrohet një testi mjekësor në fillim të kësaj jave, transmeton portali arbresh.info.

Gazeta me bazë në Sevilla, ‘Estadio Deportivo’ raportoi javën e kaluar se një marrëveshje është “pothuajse e kryer” për reprezentuesin e Danimarkës dhe prezantimi pritet të ndodhë së shpejti.

24-vjeçari iu bashkua ‘Los Verdiblancos’ nga Brondby gjatë verës së vitit 2016 dhe ka shijuar 18 muajt e parë në klub. Megjithatë, produkti i ri nga Junior Firpo është preferuar shpesh në krahun e majtë në mbrojtje gjatë pjesës së dytë të sezonit të kaluar nga trajneri Quique Setien.

Durmisi, i cili ka bërë 23 paraqitje për skuadrën e tij kombëtare, nuk është përfshirë në skuadrën prej 23 lojtarëve të Danimarkës për Kampionatin Botëror në Rusi./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm